Kaam Aa Sakin Na Apni Wafayen To Kya Karen,

Urdu Ghazal Poetry,

Kaam Aa Sakin Na Apni Wafayen To Kya Karen,
Us Bewafa Ko Bhul Na Jayen To Kya Karen',

'Mujh Ko Ye Ae'tiraf Duaon Mein Hai Asar,
Jayen Na Arsh Par Jo Duayen To Kya Karen',

'Ek Din Ki Baat Ho To Usey Bhul Jayen Hum,
Nazil Hon Dil Pe Roz Balayen To Kya Karen',

'Zulmat-Ba-Dosh Hai Meri Dua-E-Ashiqi,
Taron Ki Mish'ale Na Churayen To Kya Karen',

'Shab Bhar To Un Ki Yaad Mein Taray Gina Kiye,
Taray Se Din Ko Bhi Nazar Aayen To Kya Karen',

'Ahd-E-Tarab Ki Yaad Mein Roya Kiye Bahut,
Ab Muskura K Bhul Na Jayen To Kya Karen',

'Ab Ji Mein Hai K Un Ko Bhula Kar Hee Dekh Lein,
Wo Baar Baar Yaad Jo Aayen To Kya Karen',

'Waday K Aitbaar Mein Taskin-E-Dil To Hai,
Ab Phir Wohi Fareb Na Khayen To Kya Karen',

'Tark-E-Wafa Bhi Jurm-E-Mohabbat Sahi Magar,
Milne Lagen Wafa Ki Sazayen To Kya Karen..!